Ef ég væri kona, þá hefði ég mögulega á e-m tímapunkti hugsað mér að mæta niður í bæ á kvennafrídeginum á morgun. Eins og þetta lítur út núna hefði ég hins vegar íhugað sterklega að sleppa því að mæta enda stefnir þetta greinilega í að verða að e-i gúddíhátíð a la 1.maí í Fjölskyldu- og húsdýragarðinum. Hvar er uppreisnin í því? Hefur e-r yfir höfuð e-n minnsta áhuga á að hafa Sólveigu Pétursdóttur á staðnum?

En þar sem ég er karlmaður ætla ég alfarið að sleppa því að láta sjá mig enda er konum enginn greiði gerður á þessum degi með því að almennt sé gefið frí og að yfir- og eiginmenn séu voðalega umburðarlyndir. Allir ætla að „sýna stuðning sinn í verki“ en auðvitað þýðir það bara að þetta verður allt gleymt daginn eftir.