Hlutir sem ég ætti ekki að tala um:

Máladeild vs. stærðfræðideild
Gagnsemi og gæði frönskukennslu
Hvalveiðar
Stríðsrekstur
Kárahnjúkavirkjun

Ef ég ræði þessa hluti við e-a sem eru mér algjörlega ósammála verð ég nánast undantekningarlaust bálreiður og sár, skiljandi ekki af hverju viðmælendur mínir taka ekki sönsum og hlusta á rök mín, og enda iðulega með kökkinn í hálsinum eftir langt rifrildi.

Viðmælendum mínum mun kannski finnast þetta smámál og ekkert til að æsa sig yfir en það á ekki við um mig. Því miður tekst mér samt aftur og aftur að lenda í umræðum um þessi mál.

Skellti upp nýju bloggi hjá Möggu um helgina.

Hmm ...

Jæja, hún sagðist alla vega vera ánægð með það.

Dreymdi í nótt að ég væri búinn með MR og vissi ekkert hvað ég ætti að gera. Fékk skyndilega tilboð um að fara til Japan í sex vikur í söngnám, áður en ég myndi byrja að vinna. Sló að sjálfsögðu til. Þegar ég var kominn á staðinn var hellingur af ólíklegustu MR-ingum á staðnum, sem ég hafði ekki hugmynd að væru að læra að syngja. Svo töluðu allir íslensku þarna og ég varð fyrir miklum vonbrigðum. Ætlaði mér örugglega að læra japönsku á sex vikum.