Ég ætla rétt að vona að fólk sé duglegt við að biðja fyrir páfanum. Það lítur allt út fyrir að kallinn sé dauðvona og ljóst að hann þarf á öllum mögulegum fyrirbænum að halda. Auðvitað eru bænir frá kaþólikkunum áhrifamestar en jafnvel guðleysingjarnir geta gert merkilega mikið gagn í þessu hræðilega erfiða máli.

En páfinn er auðvitað merkilegasti maður heimsins um þessar mundir og ég ætla bara að benda þeim, sem, líkt og ég, fá aldrei nægar fréttir af kallinum á þessa frábæru fréttaveitu hér: alt.test.pope-john-paul-ii. Ég er þegar búinn að kaupa mér aðgang að henni og get vottað að hún á ekki eftir að svíkja nokkurn sannan aðdáanda siðgæðismeistarans.