Þá hefur komið í ljós að grautareldun er illframkvæmanleg hérna á Hyggevej. Í þessum skrifuðu orðum liggur, eftir klukkutíma langt streð, í potti frammi í eldhúsi brúnn óætur grautarmassi. Gaseldavélin hérna virðist eiginlega vera of öflug til að leyfa eldun á grjónagraut því það er ekki mögulegt að láta hann malla lengi á lægstu stillingu án þess að það sjóði upp úr. Ég þyrfti helst að finna e-t stykki sem gæti lyft pottinum aðeins frá gasinu.

Ég neyðist því greinilega til að geyma þessi líka fínu hræódýru grautargrjón, sem ég fékk í Nettó (1 kíló á 5,95 danskar), þangað til ég kemst inn á kollegium. Sem ég vona svo sannarlega að verði fljótlega ...